سبوت ميديا – Spot Media

اضاءة من منظور مختلف

صحن فتة
أطباق شرقية مطبخ

فتة الحمص

فتة حمص

أول خطوة
مننقع نص كيلو حمص قبل ليلة بماء بارد مع نص ملعقة كربونات الصوديو م(كربونة-صودا)
تاني يوم منغسل الحمص المنقوع ومنسلقو ومنشيل الرغوة البيضا اللي بتطلع على وجهو وبس يغلي تقريب النص ساعة منضفلو نص معلقة صغيرة سكر و معلقة كبيرة زيت زيتون لحتى يدوب الحمص بس بيبقى محافظ على شكلو

تاني خطوة
منقطع رغيفين خبز مربعات و منفردن بصينية ومنتبلن بملح وزيت ومنخبزن بالفرن على نار متوسطة وكل شوي منقلبن لحتى يتحمروا من كل الجهات ويصير لونن أشقر

تالت خطوة ( الصلصة أو البدوة)
كوب طحينة
كوب لبن
نص كوب عصير ليمون
نص كوب ماء سلق الحمص
ملح حسب الرغبة
كمون حسب الرغبة
حصين توم مهروسين ناعم
منخلط ما سبق ومنتركن على جنب ليجي دورن

رابع خطوة والأخيرة
منفرد الخبز المحمر ومنرشلو رشة كمون ومعلقتين صلصة طحينة وكوب ماء سلق الحمص لحتى يتسأسأ
منخلطن شوي بعدين منضيف الحمص المسلوق وفوقو رشة كمون
بعدين منغرقا بالبدوة أو الصلصة واخر شي مننزل بالطشة يلي هيي سمنة او زيت مع مكسرات او خبز مقلي او بس سمن حسب الرغبة وصحتين وهنا

 394 total views,  2 views today

هل كان المقال مفيداً ؟