سبوت ميديا – Spot Media

اضاءة من منظور مختلف

كبسة الدجاج
أطباق شرقية مطبخ

كبسة الدجاج

كبسة دجاج

طريقة تحضير الكبسة بالدجاج بشكل مبسّط وشرح مفصّل لجميع مراحل التحضير، إضافة لتحضير صلصة لذيذة بجانبها مدة التحضير حوالي الأربعين دقيقة

الخطوة الاولى

٣ كوب رز كبسة مغسول منيح فقط بدون نقع

الخطوة التانية

بطنجرة على النار مننزل بفنجان زيت نباتي وفوقو بصلة ناعمة منشوحا دقيقتين
ثم نضيف جزرتين كبار مبروشتين ومنشوح دقيقتين
بعد ذلك نضيف حبتين بندورة مقطعتين مربعات ومنشوح دقيقتين
ثم نضيف
حصين توم مهروسين
ورقة غار
عود قرفة
٣ حبات لومي(ليمون مجفف)
ملح حسب الرغبة
معلقتين بهار كبسة كبار
منحمسن حوالي ٥ دقايق وبعدها نضيف
معلقة كبيرة رب البندورة ومنحمس دقيقتين

الخطوة التالتة

نضع (كيلو) أفخاد دجاج حسب الرغبة ومنحمسن ٥ دقائق على كل جنب
ثم نضيف ٨ أكواب مياه مغلية بنفس الكوب اللي عيرنا فيه الرز ومنتركن على نار متوسطة مغطايين حوالي ١٠ دقائق

ثم نخرج الدجاج ونضيف الرز المغسول ومنزبط الملح وبس تصير المياه على مستوى الرز منغطي ومنتركن ٢٠ دقيقة على نار هادية

الخطوة الرابعة

نجهز خلطة تحمير الدجاج وهي
معلقتين لبن
معلقة سمنة او زيت
رشة ملح
رشة بهار كبسة
معلقة رب بندورة صغيرة وندهن الدجاج من كل الجهات ونضعه في صينية
ثم نضيف كوب مياه مغلية ومنغطيه بورق قصدير ومندخلو على الفرن شي ربع ساعة
بعد ذلك منكشفو ومنحمرو من فوق لياخد لون احمر شهي

الخطوة الخامسة

بعد تلت ساعة على الرز منطفي النار الخفيفة ومنفتح عليه
ثم نضيف كمشة زبيب اشلميش (بدون بذر) ومنغطي ١٠ دقايق ومنجهز المكسرات للتزيين (لوز او جوز او كاجو او مزيج ال٣ ) منقلي المكسرات بشوية زيت لياخدو لون دهبي

الخطوة السادسة سكب كبسة الدجاج

منسكب الكبسة ومنزينها بالدجاج المحمر و المكسرات الذهبية وصحتين وهنا مع أطيب كبسة دجاج

 329 total views,  1 views today

هل كان المقال مفيداً ؟