بعد النجاح الكبير ونسبة المتابعة الأكبر وتفاعل الجمهور مع أحداث مسلسل مقابلة مع السيد آدم بجزئه الأول اللي انعرض برمضان الماضي من بطولة الفنان غسان مسعود عم يعيش فريق عمل هالمسلسل تحدي كبير وخصوصا كون الجمهور كان عم يقدم توقعاته عالسوشال ميديا الأمر اللي دفع الكاتب والمخرج فادي سليم يغير أحداث الجزء التاني أكتر من مرة ليضاهي العمل الأول ولتكون الأحداث عكس التوقعات
بتدور أحداث هالعمل بإطار درامي وقالب بوليسي وبيتناول قضايا تجارة الأعضاء البشرية ورح تحمل الأحداث مفاجآت كتيرة أهما تغيير ملامح شخصية آدم أثناء ظهورو بالمشاهد لأربع مرات ورح يواجه صعوبات ومشاكل أكتر من الجزء الأول خاصة أنو عم يسعى للانتقام من الرؤوس المدبرة اللي قتلت بنته ومن المتوقع ينجح بمسعاه…التغيير بالملامح كمل مع الممثلة منة فضالي اللي بتلعب دور نور ورح نشهد شخصيات وأسماء جديدة
أما عن دور ضحى الدبس اللي اضطرت تغيب عن هالجزأ رح تشغل دورا فاديا الخطاب وكمان رح نشوف يزن خليل بدور يوسف اللي قام بدوره بالجزء السابق لجين اسماعيل ومن الشخصيات اللي أضيفت عالعمل شخصية مالك اللي رح يلعب دوره يحيى بيازي…وبيبقى السؤال هل فعلا رح ينجح فريق العمل بكسب أنظار المتابعين واقناعن وتحقيق نجاح بيفوق نجاح الجزء الأول
1,354 total views