سبوت ميديا – Spot Media

اضاءة من منظور مختلف

أمل بوشوشة وتيم حسن
فن

أمل بوشوشة ترد على جدل ثنائيتها مع تيم حسن

أمل بوشوشة وتيم حسن في الأخوة

بعد مرور حوالي 7 سنوات على مسلسل ” الأخوة” واللي شارك فيه نجوم من أنحاء الوطن العربي وبعد جدل وتساؤلات كتيرة حول تكرار ثنائية تيم حسن وأمل بوشوشة ردت أمل وعلقت أنو السبب بيرجع للقائمين عالعمل وأنو هيي من بعد المسلسل ما تواصلت مع النجوم اللي شاركو فيه ومافي أي خلاف بينا وبين تيم إنما كان جمعون العمل والاحترام وبس.


أما عن اجتماعا مع أحلام مستغانمي بعمل واحد فالكل كان ناطر وخصوصا بعد ما انقال أنو رح يتم تحويل رواية ” الأسود يليق بك” لمسلسل لكن الموضوع متوقف من يوم سوء الفهم اللي حصل بينن عالسوشال ميديا بسبب مسلسل مدرسة الحب واللي اتهمت فيه أحلام الكاتبة نور شيشكلي أنها أخدت عبارة من روايتا واستخدمتها بالعمل وعاتبت أمل بوشوشة اللي كانت البطلة فيه ليش ما اعترضت على هالشي.


فرصة التمثيل كان البعض شاف أنو شغلت أمل عن الغناء اللي انعرفت فيه من بداية مشوارا الفني واللي يبدو أنو ماحترجعلو حاليا حسب تصريحها وانو التمثيل بيشكل حالة عشق بالنسبة إلا أكتر من الغناء.

 829 total views,  1 views today

هل كان المقال مفيداً ؟