سبوت ميديا – Spot Media

اضاءة من منظور مختلف

انت اطرق بابي
فن

عشاق أنت اطرق بابي يحتفلون بعدد المشاهدات وملايين التغريدات

بعدو مسلسل أنت أطرق بابي عم يتصدر الترندات والبحث مع كل حلقة جديدة لكن الحلقة 34 نالت النصيب الأكبر..

انت اطرق بابي حلقة 34


احتفل محبي هالعمل بالأرقام اللي حققا المسلسل سواء بالمشاهدات أو التغريدات واللي وصلت لحوالي 3 مليون تغريدة .

تصدر انت اطرق بابي


وتضمنت هالحلقة حدث مؤسف ل البطلة “ايدا” الأمر اللي شد المتابعين أكتر ليعرفو شو رح يصير وعم تستمر أحداث هالمسلسل اللي بدأ بموسم الصيف الماضي واستمر بالتصاعد حتى هاللحظة بسبب نجاحة الكبير بالعالم وأحداثه المشوقة.


عنصر التشويق اللي انشغل عليه بهالعمل كان سبب باستمرار تفاعل المتابعين معو عالسوشال ميديا وخاصة مع حادثة فقدان الذاكرة اللي حصلت للبطل “سركان” وخلتو ينسى حب حياتو “ايدا”


أنت أطرق بابي مسلسل تركي من بطولة هاندا آرتشيل وكرم بورسين وعم ينعرض كل سبت على قناة فوكس التركية

وعم تستمر الأخبار والإشاعات اللي طالت ثنائي هالعمل هاندا وكرم بوجود علاقة بينن رغم نفيون بأكتر من تصريح ، هيك اشاعات طبيعية ومنسمعا دايما مع كل ثنائي منشوفو بعمل تركي وخصوصا أنو قصص الحب بهيك أعمال مدبلجة عم تلفت نظر أوسع شريحة وتشدون

وبيبقى للحب الحصة الأكبر سواء بالغناء أو الدراما أو على المستوى الشخصي..

 882 total views,  2 views today

هل كان المقال مفيداً ؟