فاجأ فارس كرم الجميع بخبر حمل زوجته وبأنه رح يصير أب عن قريب ..
كشف فارس خلال استضافته ببرنامج “KARAOKE CARPOOL” مع وسام بريدي على تلفزيون دبي
بأنه رح ينرزق بمولودة أنثى رح يطلق عليا اسم مريم وعبر عن فرحته بقدوم طفلته الاولى وقال
” جاي مريومة”
كتار من النجوم تفاعلو عالفور مع هالخبر وكانت اولهم اليسا اللي بتربطا علاقة صداقة طيبة بفارس وغردت وقالت
“حبيب قلبي ألف ألف مبروك الله يجيبها للست مريم بالسلامة”
كمان مايا دياب عبرت عن سعادتا بسماع هالخبر وكتبت على تويتر
“ياقلبي من قلبي فرحت وسميتها على اسم العذراء مريم اللي رح تولدها بالسلامة هيي وأمها .. ابو مريم كلامك عسل وحبي إلك اصدق من الحكي وديو ساعة اللي بدك بدك بحبك”
وكان فارس كرم تزوج بسرية تامة بشهر نيسان العام الماضي من فتاة قالوا تدعى هبة عزيز وهيي ابنة ضيعته جزين بالجنوب اللبناني
1,385 total views
