المكونات
- نص كيلو لحمةمفرومة وسط ومدهنة
- كوب بصل مفروم ناعم
- كوب بقدونس مفروم ناعم
- حص توم واحد مهروس
- ملعقة بهار مشكل
- نص ملعقة فلفل أسود
- ملح حسب الرغبة
- ملعقة دبس فليفلة
- نص كيلو بندورة مقشرة ومضروبة بالخلاط
- شرائح فليفلة وبصل للتزيين
- نص كيلو بطاطا مقطعة أصابع عريضة( اللي بحب يضيف بطاطا )
طريقة التحضير
منعجن اللحمة مع البصل والبقدونس والتوم والبهارات والملح
مندهن كعب الصينية بملعقة دبس الفليفلة حر او حلو حسب المزاج
منمد اللحمة بالصينية ومنضيف شرائح البصل والفليفلة و البطاطا اذا منحب
ونغمرا بعصير البندورة المملح على ذوقنا وعلى الفرن لحتى تستوي اللحمة ويتحمر وجها
هيك منكون ساوينا ابسط صينية كفتة
لا تكتروا بهار
بهار لا تكتروا
تكتروا بهار لا
خلونا نحس بنكهة اللحمة اللذيذة وخاصة اذا كانت مدهنة
وصحتين وهنا
هل كان المقال مفيداً ؟
Let us know if you liked the post. That’s the only way we can improve.
تعليق واحد