هالوصفة السهلة واللذيذة واللي رح مارح تاخد وقت منكم بتتميز بعراقتا لان كل بلد عندو المندي الخاص فيه بس المندي اجانا من اليمن الشقيق لهيك حاولت قد ما فيي اني جبلكم وصفة المندي اقرب ما يكون للوصفة اليمنية الحضرمية(حضرموت)
المهم بهالوصفة هي البهارات الطازجة
المكونات
٤ كاسات رز بسمتي هندي
دجاجة كاملة
بصلة كبيرة
ورق غار
قرفة
حب هال
كبش قرنفل
كركم
فلفل
ملح
طريقة التحضير
بمطحنة البهارات المرافقة للخلاط
نضع ورقة غار عود قرفة ٥ حبات هال ٥ حبات كبش قرنفل معلقة كركم نص معلقة فلفل اسود ملعقة ملح ونطحن ونطحن ونطحن
منضيف كمية البهارات فوق الدجاجة المقسومة الى نصفين ومنضيف ملعقتين زيت ومنساويلا مساج تايلندي لتتغلغل البهارات في جميع ثنايا واضلاع الدجاجة ومنغلفا بنايلون ومنتركا على جنب
بطنجرة وسيعة شوي منحط معلقة زيت والبصلة المقطعة مكعبات خشنة ومنضيف نفس البهارات السابقة بس صحيحة يعني كاملة يعني حب ومنقلبن بالزيت شوي لتطلع الزيوت العطرية من البهارات
وبعدين منضيق الرز المغسول فقط ومنقلبو مع البصل والبهارات لحتى يتغلف الرز جيداً بالحمسة (الحمسة هي كلمة خليجية تعني اي شي بينحمس حمس بالزيت😁) ومنطفي النار
وبعدين منضيف لكل كوب رز كوبين ماء مغلي ومنملح حسب الرغبة ومنغلف الطنجرة بورقتين تلاتة سلوفان ومنعمل فيها ثقوب ومنحط الدجاجة المتبلة فوق السلوفان
وبعدين من منغلف الدجاجة والطنجرة بالسلوفان ومندخلها عالفرن ٤٠ دقيقة النار من فوق وتحت
وبعدها منطالعا ومنكشف السلوفان عن الدجاج ومنتركو يتحمر شوي وبعدين منسكب الرز ومنحط الدجاج فوقو
وبعدين منجيب صحن صغير وفيه معلقة زيت ومنضيف فوقو فحمة شاعلة ومنغطيهن شي ٥ دقايق ياخدو نكهة التدخين وبعدا منكشف المنسف ومنزينو بالمكسرات ومناكل جنبها لبن و دقوس اللي تعلمناها بوصفة الكبسة
صحتين وهنا