أخبار كثيرة تداولتها مواقع التواصل الاجتماعي في مصر عن وفاة الفنانة دلال عبد العزيز
الموجودة في المستشفى الأمر الذي دفع صهرها الفنان حسن الرداد لينفي الموضوع
من خلال أكثر من تغريدة وبوست على صفحاته في السوشيال ميديا.
وعلى إنستغرام هاجم حسن الرداد بقوة الذين نشروا الخبر فكتب :
بالنسبة للمواقع الصفراء الرخيصة اللي كتبت أخبار غير صحيحة عن حماتي دلال عبد العزيز
يا ريت تحترموا نفسكم شوية .
اللي بينزل أخبار غير صحيحة تخص حياة إنسان عشان يعمل ترند على موقع يبقى واحد مش محترم
ولا يحترم المهنة بتاعته اللي ألف باء فيها وجوب تحري الدقة ، احنا بقالنا شهور في المستشفى
و كلنا متواجدين مع حماتي و قاعدين قدامها ٢٤ ساعة رامي و إيمي و دنيا و انا
و فجأة يجيلنا سيل مكالمات ورسائل من كل أهلنا و حبايبنا بيطمنوا.
حقيقي عايز أسال اللى كتب الخبر لو حد فينا كان بعيد و سمع الخبرده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟
مش هقولك يا ريت يحصل فيك نفس الموقف عشان تعرف المصيبة اللي انت عملتها بس حقول لك حسبي الله و نعم الوكيل
ليعود ويؤكد حسن من خلال توتير أنه هو وعديله رامي رضوان المصدر الوحيد للتأكد من اي خبر يتعلق بالوضع الصحي لدلال عبد العزيز.
432 total views
هل كان المقال مفيداً ؟
