في أجواء مليئة بالصراحة والعفوية التقت أمل عرفة بعبد المنعم عمايري بالحلقة الأولى

من برنامج ” بصراحة مع ” على قناة MBC ، و تحدث الثنائي الراقي عن كواليس علاقتهما .

وفي سؤال يتجنب أي ثنائي طرحه أمام الجمهور سألت أمل عرفة زوجها السابق

عما تغيّر في حياته بعد الطلاق وقال :

نمط الحياة اختلف، انت بتكوني عايشة بمكان ضمن أسرة وبيت واستقرار وتنظيم حياة كاملة، وأنا واحد فوضوي

وهو ما أكدت عليه أمل.. وتابع :

كنت تلملمي الفوضى تبعي بلحظة من اللحظات. اللي تغير اني فت لحياة جديدة مختلفة تماماً، خارج بيت

وهذا ما جعلني غير مستقر في بيت لأربع سنوات منذ انفصالنا، لأن المرحلة كانت صعبة عليّ كتير

مرحلة الانتقال من عالم مستقر وفيه شوية فوضى إلى عالم خاص جداً. في الفترة الأولى أكيد

ما كنت مرتاح نهائياً، بس بالأخير بيتعود الواحد وبحس انه في أشياء بيحسن يعملها لحاله أكتر ما يكون معه شريك..

بس أنا دائماً حاضر قدام بناتي وحتى سكنت قريب منكم متل ما بتعرفي

بدورها أجابت أمل عرفة عن السؤال نفسه وقالت :

في أشياء كتير ارتحت فيها بصراحة، يعني القلق مثلاً، بقفل بابي على بناتي وما بحس انه في قلق لأي حدا برات هدا الباب

ورد عبد المنعم أو عبود كما تناديه أمل :

بس أي مشكلة بتصير معكم، ألو تعا شوف بنتك شو عاملة

لتؤكد أمل بأنه والد بناتها ورفيق عمرها.

وتابعت :

أنا بحب العيلة، وبحب السفرة وقت الغدا لأنه معودة من بابا وماما الله يرحمهما

يعني الغدا بمواعيد والعشاء بمواعيد، هذا اللي كان يضايقك كتير

فأوضح عبد المنعم وجهة نظره في هذا الموضوع وقال :

أوقات ما بكون إلي نفس أكل، فبضطر أقعد أكل معكم بكون أنا مثلاً مانو موعد أكلي

فيما يتعلق بالجانب المهني، كشف عبد المنعم أن فشل الحياة الزوجية أثر على عمله كثيراً وقال :

مهنياً أنا انأذيت جداً، وتحديداً أنا بحب كون قوي متل ما بتعرفيني، ما بحب أظهر ضعفي للآخرين..

في فترة مرقت فيها كنت كتير ضعيف، وحسيت فيها ثقتي بنفسي تزعزعت

بالإضافة إلى أنني دخلت بحالة إحباط واكتئاب

يمكن في غيري ما بيسترجي يحكيه من النجوم والممثلين وحتى ناس عاديين

أنا بالنسبة إلي أنا بني آدم عندي مشاعر وأحاسيس، بوقع وبنزل.. هذه الحياة

وتابع :

لما قررت أرجع، رجعت لشي مادي مش لشي فني، كانت هالأعمال أعمال رديئة والناس بتعرفها ما رح أذكرها..

عملان أو ثلاث أعمال لجلس حالي. فيما بعد صار عندي ردة فعل عكسية هي الإصرار والإرادة والرغبة

فرحت للشي النوعي، متل ما نزلت لسبع طوابق فجأة، متل ما طلعت مية طابق لفوق

وعلقت أمل على حياتها المهنية بعد الطلاق وقالت :

كمان أنا اتدهورت بمسلسل كتبته ودخلت إنتاج وكنت مستعجلة.. وكان طبعاً على طرف اللي كتير كان فعّال

بشكل أخد من عمري شقفة هو مرض بابا ووفاته وقصص كتير..

كمان الواحد بيتعلم، معليش بيطلعلنا نفشل مرة وننجح بمسيرة كاملة

من ناحيته، أكد عبد المنعم بأن أمل لم تفشل تمثيلياً في العمل الذي أدت فيه خمس شخصيات

ولكن ما حصل أنه خسرت مادياً.

ولفت عبد المنعم إلى أن البعض يمكن أن يعتبر هذه الإطلالة مثالية، وأكد بأنهما يتحاوران

وحتى يختلفان لغاية اليوم على بعض الأمور.

بدورها، أشادت أمل بعبد المنعم الممثل وتحدثت عن علاقتهما المستقبلية وقالت :

الفكرة كلها من علاقتنا أنا واياك واللي هلق ورح تستمر بإذن الله، أني أنا حدا ما بهون عليّ الشوكة تفوت فيك

أنت مو بس أبو ولادي، أنت رفيق عمري، أنت زميل مهنة، غير انك نجم كبير وممثل

أنا لما بوقف قدامك بحس في هيك في حالة تجلي كتير عالية

وتابعت :

بس الفكرة العامة اللي بحاول وصلها للناس انه الزواج الناجح ليس هو الزواج المستمر

ولفت عبد المنعم إلى أن أهم ما في علاقتهما هو أنه ليس هناك أزمة مع أولادهما

ولا في علاقتهما الشخصية، وأضاف :

أنت أغلى حدا موجود، أنت حدا باخد رأيك بالصغيرة والكبيرة

ولكن هل يمكن أن يعود الثنائي لبعضهما البعض، فكان جواب عبد المنعم صريح وواضح بالنفي

بينما كان جواب أمل أكثر دبلوماسية وقالت :

أنا ما تركته لأرجعله، نحن علاقتنا مستمرة

واعتبرت أمل أن أجمل ما حصل بينهما هما سلمى ومريم.

وتفاعل رواد مواقع التواصل الاجتماعي مع هذا الحوار العفوي والجريء والشفاف

وعلقت كارمن لبس على الحلقة وكتبت :

شو كان حلو الحوار بين الرائعة حبيبة قلبي أمل عرفة والرائع عبد المنعم عمايري..

حوار حقيقي مليان شفافية ونضوج ودروس، استمتعت جداً بالحلقة

شو كان حلو الحوار بين الرائعة حبيبة قلبي #أمل_عرفة ❤ والرائع #عبدالمنعم_عمايري
حوار حقيقي مليان شفافية ونضوج ودروس، استمتعت جداً بالحلقة 🌹🌸🌹@AmalArafaa @abdamayri #بصراحة_مع

— Carmen Lebbos – كارمن لبس (@C_lebbos) September 6, 2021

وعلق أحد المتابعين وكتب :

اتنين انفصلوا مش بالضرورة يطلعوا ينشروا غسيل بعض بالإعلام..

بيقدروا يطلعوا يحكوا عن تجربة الانفصال وأسبابه بكل رقي واحترام

متل ما صار بحلقة بصراحة مع أمل عرفة وعبد المنعم عمايري

ووصفت أخرى بأن الحوار هو أرقى نموذج عن شخصين انفصلوا، وكتب أحد المعلقين :

كان لقاء كتير حلو وأكثر من رائع

وكشف الثنائي بأنهما يتحضران لأعمال جديدة، فأمل تكتب عمل لقناة MBC

وعبد المنعم يصور مسلسل للقناة نفسها .

 326 total views