سبوت ميديا – Spot Media

اضاءة من منظور مختلف

فن

ريهام سعيد تثير الجدل بتصريحاتها حول من يعملها سحر … وعن ذلك قالت يسحروني وسيلقون جزاءهم في قبورهم

أثارت الاعلامية والممثلة المصرية ريهام سعيد الجدل بآخر تصريحاتها

حيث كشفت عن أن هناك من “يعملها عمل وسحر” إذ ظهرت في إطلالة مباشرة

على صفحتها على فيسبوك وتحدثت عن حلقة البنات الخمسة اللواتي تعرضن للسحر

وأكدت أنها باتت تؤمن بالسحر وبأنه موجود وربطت بين الآثار ووجود الجن.

وقالت :

في كلمتين زانقني وعايزة أقولهم وعايزة أشتكيلكه من حاجة وعايزة رأيكم برضه علشان زي ما في ناس هايفة كتير

قاعدة على السوشيال ميديا في ناس برضه بتفهم وبتفكر في ناس ممكن أستفيد من رأيها، احنا عموماً بنستسهل حاجات والحلول


وتابعت :

فاكرين الحلقة بتاعة الخمس بنات اللي كانوا ممسوسين والجدل الواسع اللي عملته الحلقة دي وصلت للعالمية

الناس اتفرجت عليها عالمياً، الحلقة دي من ساعتها وأنا حياتي بايظة .. تماماً


وأوضحت ريهام :

مش بايظة يعني الحمدالله ولادي كويسين وجوزي كويس ألف حمد وشكر، بايظة دي كلمة مش حلوة

قصدي أقول مش ماشية في سياقها العادي، بيحصل حاجات كتير أوي مش ماشية مع الواقع


وأضافت:

ناس كتير أوي أيام الخمس بنات دي كانت بتقول احنا مش بنؤمن بالسحر، وأنا الحقيقة ما كنتش حابة ان أنا أمثل

كنت بحس ان ناس كتير أوي كذابة، ناس بتكذب على نفسها، ناس كتير أوي عارفة ان في سحر

وحياتها بتدور حول مين عاملي عمل وأنا حاعمل عمل لمين، والحسد طبعاً هو اللي طلع أقوى من السحر

ولفتت إلى أن الحسد أقوى من السحر بشهادة رجال الدين.


وتحدثت عن أولئك الذين لم يصدقوا قصة الفتيات الخمس كما انتقدت أحد الأشخاص

الذي اتهمها بالكذب عندما كشفت أنها مريضة، وقالت :

بقيت أتفرج على الفيديو، هو عمل الفيديو وعمل مشاهدة عالية جداً بإسمي طبعاً، لما تموت ان شاء لله حتعمل ايه؟

انت طالع قدام الناس بتكذّب واحدة بتقول انها كانت عيانة..

مش فاهمة حكاية ان حد يشك ان حد بمثل انه عيان..


وعن موضوع حلقة الخمس بنات أشارت إلى أنها باتت تؤمن بوجود

عالم السحر بعد هذه الحلقة، وأضافت :

أنا زيكم كنت بقول ايه الهبل ده، هو مش هبل خالص

وعرفت ساعتها ان هناك علاقة وطيدة بين ان حد يبقى لي علاقة بالمقابر والفراعنة والجن

ما عرفش ايه العلاقة بس ان يمسك شيطان أو يحصلك الحاجات دي

لازم تكون دوّرت على آثار أو بيتك تحتيه آثار، والفراعنة حاطين جن يحرس المقابر بتاعتهم

علشان كده الناس اللي بتشتغل في التنقيب عن المقابر بتستعين بالناس اللي بيشتغلوا بموضوع الجن ده


وسألت :

ازاي الفراعنة قدروا يتوصلوا أصلاً لموضوع الجن والعالم الآخر.

وكان نفسي أسأل أستاذ شريف حواس، هل هناك تعاويذ مثلاً

ما حدش تطرق للموضوع ده في الإعلام وطبعاً لو تطرقت له كنت حروح في داهية كالعادة ويفضلو ينتقدوني


وعبّرت عن فخرها بنفسها وبأنها كانت تفكر دائماً خارج الصندوق

وبأن ما قدمته من عشرين عاماً يتم تقديمه حالياً ، وأضافت :

كل حد بيطلع بقلك معمولنا عمل، حتى بتوع الكرة وفنانين وممثلين

أنا بقى من الناس في مجموعة بقى بتجددلي


ولفتت إلى أن هناك علاقة بين الآثار والجن، وبأن ¾ الأشخاص الذين يعملون

في مجال السحر هي تنقب عن الآثار ، لما روحنا للخمس بنات اتقال لي ان البيت

ده تحتيه آثار والمطلوب منهم ان يسيبوا البيت علشان كده حصلهم مس .


وأضافت :

أنا مؤمنة خلاص ومتأكدة ان أنا كل شوية بيتعملي سحر، سحر بوقف الحال والشغل والمرض والطلاق

وناس بتاعة ربنا جداً مالهاش في دجل ولا شعوذة ولا بتتقاضى فلوس، بتقولي ان أنا معمولي سحر

وكل ما السحر ده يتفك الناس دي يجدووه، وللآسف هي مش جهة واحدة. ناس كتير أوي وأسبابهم مختلفة


ولفتت إلى أنها في كل مرة تحاول أن تقرأ سورة البقرة، لا تستطيع قراءتها

أو حتى أذكار الصباح والمساء تتعثر في إكمالها

معتبرة أن من حاولوا أن يسحروها لن يتوقفوا إلا بعد القضاء عليها

ولكنها شعرت بالملل من ذلك ، وأكدت ان من يحاولون أن يسحروها سيلقون جزاءهم في قبورهم.

 254 total views,  1 views today

هل كان المقال مفيداً ؟

اترك رد