سبوت ميديا – Spot Media

تابع كل اخبار الفن والمشاهير والتكنلوجيا والرياضة والعديد من المواضيع الاجتماعية والثقافية

فن

والد ياسمين صبري يهاجمها بسبب تصريحاتها الأخيرة وادعائاتها الكاذبة ..

هاجم أشرف صبري ابنته ياسمين صبري بسبب تصريحاتها بعد حديثها مؤخراً عبر تويتر سبيس

والتي قالت فيها أنها كانت تعيش حياة فقر في طفولتها، ولفتت إلى أنها دخلت مدرسة حكومية وكان مصروفها قليل لذلك كانت تذهب إلى المدرسة والنادي سيراً على الأقدام.
وقالت :

أنا كنت عايشة في إسكندرية في أسرة من طبقة متوسطة ومصروفي كان قليل جداً ولو خلص بكمل الشهر مع نفسي

وكنت عايشة في بيت جدي وجدتي، وفي مرحلة من حياتي كنت في مدرسة حكومية .


وأضافت

كنت بلعب سباحة وكل يوم بروح التمرين مشي، وأنا ماشية كنت بتخيل إني هيبقى عندي أحلى حاجة في الدنيا

كنت بتخيل حاجة هتحصلي في الحقيقة، وإن هيبقى عندي أحلى جزم وشنط وبيت وعربية، وكل حاجة أحلى

ومكنش في أي حاجة تدل إني هحقق ده، بس كنت بشعر إني أستحق وكنت بحب نفسي

مكنتش أعرف إن ده جزء من قانون الجذب، بعد شوية حققت جزء من أحلامي، وبعده جزء، وكل شوية أحلامي بتكبر .


هذه التصريحات أغضبت الطبيب أشرف صبري والد ياسمين الذي شارك صورة لمدرسة ياسمين الخاصة

مكذباّ ادعاءاتها، وعلق ببوست مطوّل كتب فيه على حسابه على فيسبوك :

دي المدرسة اللي اتخرج منها بناتي اللي واحدة منهم بتدعي انها كانت في مدارس عربي

وعاشت حياة بائسة فقيرة، وانها وصلت بمجهودها! .


وتابع في البوست الذي حذفه لاحقاً، وكتب :

هو الكدب يوصل للدرجة دي؟

أنا أفهم الكدب لما تبقى غلبانة وتكدبي تقولي أنا من عيلة كبيرة ومدارس أجنبية وعيشت في سراية وبابي كان وزير وهو بيشتغل عامل!

يبقى كذب له مبرر!

لكن ان واحدة اتولدت لها شغالة فيلبينية بتلبس من باريس لأني كنت بجيب لها لبس من هناك

ودخلت مدرسة الEGC أرقى مدارس اسكندرية في وقتها وعاشت في فيلا بحمام سباحة وصالة جيم

ولها غرفة خاصة بحمامها وكانت بليدة وطلعت روحي ويا دوب تنجح بالعافية بخمسين في المية

وكانت بتروح الكلية بالعافية وأصحيها الصبح بالساعة علشان تروح الكلية وتترفد مرتين في السنة

وعميدة كلية اعلام في بيروت موجودة وتشهد كنت أروح دايماً أقدم اعتذارات وشهادات طبية عشان ترجع الكلية

وشهاداتها عندي كلها كحك وأبوها دكتور .


وأضاف أشرف صبري منتقداً تصرفات ابنته :

تطلع تدعي انها عاشت حياة بائسة وغلبانة وبتكمل باقي الشهر من غير فلوس!

ايه الكدب والفيلم المتخلف ده، انتي عايشة دور تمثيل ورثاه عن جد والدتك سيد سليمان، وبتكدبي ليه؟

حتاخدي نشان يعني على خيبتك وفقرك وصلتي وبقيتي حاجة؟

انتي بالنسبة لأبوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك.

حتى أخوكي بهدلتيه اللي طول عمره جنبك وبيجي من آخر الدنيا عشانك! .

وختم رسالته:

يا شيخة بطلي اللي انتي فيه ده وحسبي الله ونعم الوكيل فيكي. بطلي تجيبي سيرة عيلتك وأبوكي اللي رباكي منك لله .

 233 total views

هل كان المقال مفيداً ؟

اترك رد