سبوت ميديا – Spot Media

تابع كل اخبار الفن والمشاهير والتكنلوجيا والرياضة والعديد من المواضيع الاجتماعية والثقافية

فن منوعات

حمادة هلال في “حبر سري” : ليس لي منافس ….

حلّ الفنان حمادة هلال ضيفاً على برنامج ” حبر سرّي ” الذي تقدّمه الإعلامية أسماء إبراهيم على قناة “القاهرة والناس”

حيث أكد في البداية أنه لم يعمل دويتو مع مطرب المهرجانات حمو بيكا، قائلاً:

أنا وحمو بيكا مش هنعمل دويتو، ودي مش حقيقة، هو دمه زي العسل وأنا بعشق خفّة دمه وتلقائيته، وهو في مرة قال بفيديو في دويتو بينا وكلّمني، لكن ده محصلش .

وأضاف :

أنا باعمل دويتو مع أي حد ولكن يهمّني إيه هي الأغنية اللي هعملها وتكون مستمرة بشكل كويس وراقية طالما الأغنية لايقة وإحنا في الآخر بشر .


ووجّه حمادة هلال رسالة إلى حمو بيكا قائلاً :

بقول حمو بيكا لو مثّل وركّز في التمثيل هيكون تلقائي وربنا هيكرمه في التمثيل جداً، ويمثّل ويعمل أغاني مع بعض ، وعنده تلقائية بتذكّرني بتلقائية طلعت زكريا مع الفرق .


وعن مطرب المهرجانات حسن شاكوش، قال هلال :

صوته جيد جداً مع الموسيقى أو بدونها، وهو ارتبط مع الناس بطريقة غناء معينة، وهو بذكائه عجب الناس ومكمّل فيها، حسن بيغنّي صح وصوته حلو وعنده طبقات كبيرة .

أما بخصوص مشكلة حسن شاكوش و رضا البحراوي ، فقال حمادة هلال :

أنا سمعت مقاطع فيديو متبادلة بينهم ولكن مشوفتش بعينيا، وعلاقتي بكل الناس كويسة .

وأضاف :

أنا معرفش مين فيهم اللي غلطان رضا ولا حسن، ولكن اللي معجبنيش في كل ده الفيديوهات المتبادلة بينهم اللي بعد المشاكل ولحظة الغيظ بيبقى في غضب كبير .


كما قال حمادة هلال عن مدى تأثر مشوار شيرين عبد الوهاب بمشاكلها الشخصية :

المشاكل الشخصية ممكن تعطّل الواحد شوية ولكن المهم الأصل ومتعطلش الأصل، وكلنا بنقع بمشاكل ولكن مشكلة شيرين الشخصية لما تعطلها وتساعدها أكثر وأكثر .

وأكد هلال أن محمد حماقي هو أكثر نجوم جيله الذي يسير بخطى ثابتة لأنه ركّز في الغناء فقط ولم يدخل عالم التمثيل… موضحاً :

محمد حماقي ماشي بخطى ثابتة ومركّز في حاجة واحدة، وعمرو دياب لما لقى التمثيل بياخده من الغناء بَعّد عنه والجمهور بيتغير بسرعة .


وكشف عن أن أول مبلغ مالي حصل عليه لقاء غنائه في الأفراح قائلاً :

أول فرح في حياتي حصلت فيه على خمسة جنيه وكان سنة 1991، وكنت خايف أقول لأبويا إني بغنّي ولكن أبويا حطّني على الطريق الصح .

وعن المنافسة في الغناء، قال هلال :

أنا مليش منافس وفي كذا واحد يخاف يعمل حاجات غريبة بعملها، وأنا مش بعرف أفكّر في المنافسة، ومنافستي الوحيدة هي حمادة هلال، ولو عقلي مركّز مع الناس هبقى براقب أفعالهم وانشغل .

وأضاف :

فكرة إني أنافس عشان أكون الفنان نمبر وان، نمبر وان ده بتاع الناس والأجمل إنك تبقى في حتة لوحدك وفي محطات عملتها دي اللي هتعيش له .

مشيراً إلى أن بهاء سلطان هو أكثر مطرب يحب الاستماع إليه ودائماً يذكره بالخير لأنه لم يرَ منه إلا الخير .

 728 total views

هل كان المقال مفيداً ؟

اترك رد