تصدر برنامج المواهب المصري ” الدوم” الترند بحلقته الختامية يوم أمس والتي شهدت تفاعل كبير من الجمهور حيث ضمت لجنة تحكيم الحلقة النهائية كل من كريم عبد العزيز وحسين فهمي وأصالة .

وتصدرا أصالة وحسين فهمي الترند منذ اللحظات الأولى بالحفل وذلك عندما قامت أصالة بالغناء لحسين فهمي أغنية “يا واد يا تقيل” ، والتي سبق وغنتها له سعاد حسني بفيلم “خلي بالك من زوزو” سنة 1972، وتفاعل الجمهور مع أصالة وحسين فهمي على السوشيال ميديا وعلقا على خفة دم الثنائي .

وبعدما غنت أصالة لحسين فهمي غنت لكريم عبد العزيز وقالت أغنيتها :

يا كريم يا كريم يا أبو قلب أبيض وسليم لما أسرح فيك يا كريم بتحير قلبي معاك وبتجري البكري وراك خايفة لروحي تهواك .

وبعدها قام الجمهور بالتصفيق الحار لها .

وتحدثت أصالة خلال الحلقة الختامية عن البرنامج وقالت :

أحلى حاجة في البرنامج العدل لأننا في برامج الهواة دايما بنشوف الناس اللي بتيجي من العاصمة قليل لما بنشوف الناس جاية من الأقاليم كتير الموهبين مظلومين فيها مبسوطة بفكرة الدوم أن فيها العدل المطلوب لأنه كمان والتاريخ أثبت أن الشباب اللي بيجي من الأرياف والأقاليم وبيقطعوا مسافات طويلة هما اللي بيقدروا يثبتوا موهبتهم بشكل كبير .

أما كريم عبد العزيز فبدأ كلمته بالإعتذار لجمهوره قائلا :

قبل أي حاجة معلش بعتذرلكم أنا صوتي رايح من التصوير بس علشان أنا وعدت أستاذ محمد سعدي أني أجي فأعتبروني أحمد مكي .

أما حسين فهمي فعلق على خبر توليه رئاسة مهرجان القاهرة السينمائي وقال :

أنا بشكر زملائي وسعيد أني موجود في البرنامج وإنشاء الله نشوف مواهب عظيمة في بلدنا وأنا سعيد جداً أن أنا اتطلب مني أبقي رئيس مهرجان القاهرة وأنا قبلت الترشيح وإنشاء الله ابني على الموجود وانشاء الله يبقى مهرجان عظيم يليق باسم الدولة المصرية ومستعدين نعمل أي حاجة علشان الدولة تتقدم وتبقى دولة عظيمة .

 595 total views