حمو بيكا يتصدر محركات البحث بعد انهياره في البكاء على الهواء مباشرة وللمتنمرين يقول ” كفاية تجرحوني.. أنا موجوع وتعبان “..
ردّ حمو بيكا على المتنمرين عليه على مواقع التواصل الاجتماعي بكلام مؤثر عبر حسابه الشخصي على انستغرام وكتب :
يا جماعة ياريت نفهم إن أنا موجوع وتعبان ، كفاية تنمر عليا
اتنمر عليا مرة واتنين وتلاتة ولسه فيه ناس بتتنمر عليا ، بتتنمروا عليا لحساب مين؟!
أنا بني آدم زي زيكم والله .
وأضاف حمو في رسالته :
الأستاذ هاني حضرتك كنت في ندوة واتنمر عليا و أنت أخويا الكبير
وأنا مسامح والله بس كفاية بالله عليك ، أنا اه مش بعرف اقرا واكتب
بس ربنا خلقلي قلب احس بيه ، كفاية تجرحوني
مش كل واحد يبقى عنده سلطة يتحكم في البشر ؟! .
وكشف بيكا في حديثه عن معاناته الطويلة مع المرض عندما قال :
أنا 5 سنين بعاني وبعافر بس هما شايفين إن احنا مبسوطين وفرحانين
لا انتوا اللي مبسوطين ، وانتوا اللي معاكم ومعاكم كتيييير وعندكم كتيييير
بس عمرنا ما بصينالكم، هو ليه لما يكون معايا حاجه حد يبصلي فيها وعايز يأخدها؟!
ده غير مرضي اللي بدفعله في الشهر كتير اوي ، حسوا بيا
لو غلطت في حاجه تعالى وحاسبني وعلمني الصح من الغلط .
واختتم كلامه قائلاً :
انا فاتح بيت وعندي أسرة وعندي مسؤوليات كتير محدش يعلم بيها إلا ربنا ،
أرجوكم كفاية ، ياريت تحكموا بينا بالعدل زي ما ربنا سبحانه وتعالى بيقول :
( وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ )
وكفاية تنمر عليا وافتكروا كلام ربنا :
( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ ) .
وتوجه أخيراً بالشكر لكل الأشخاص الذين وقفوا إلى جانبه في أزماته الأخيرة، وكتب :
في النهاية شكراً لكل حد بيدعمني و بيحبني .
وكان حمو حلَّ ضيفاً على برنامج “حبر سري” مع حسن شاكوش، وتحدثا خلال لقائهما عن الأزمات التي تعرضوا لها ومنها منعهم من الغناء في مصر وتصدر حمو محركات البحث بعد أن بكى وانهار في ختام الحلقة.
516 total views
هل كان المقال مفيداً ؟
