سبوت ميديا – Spot Media

تابع كل اخبار الفن والمشاهير والتكنلوجيا والرياضة والعديد من المواضيع الاجتماعية والثقافية

فن مشاهير منوعات

أيمن سلامة يُغضب جانو فغالي بحديثه عن صباح وهي ترد : ” احنا ما يشرفناش اصلاً ان انت تكتب اي حرف عن السيدة العظيمة صباح”

حلَّ السيناريست أيمن سلامة ضيف ببرنامج ” العرافة ” مع بسمة وهبة والذي يعرض عبر شاشة قناة المحور وأثار كلامه انزعاج جانو فغالي ابنة أخت صباح .


وفي إجابة على سؤال شيخ العرافين عن حقيقة سرقة مسلسل ” الشحرورة ” السيرة الذاتية للراحلة صباح منه ، رد أيمن سلامة :

قعدت مع صباح أكثر من مرّة وسجّلت معها العديد من التسجيلات ولدي كنز من التسجيلات، ووجدت أن الحدوتة لا تستوعب مسلسل أو من النماذج التي أقدمها ..

ومع احترامي لها، حياتها عن الزواج والغناء وهي ليست الموضوع التي أتطرّق لها من فكرة أو قصة…


هذه التصريحات أزعجت جانو فغالي والتي كتبت على الفيسبوك :

النهارده السيناريست ايمن سلامة مع د.بسمة وهبة بتسأله ليه ما رضيش يكتب مسلسل الشحرورة قالها بالحرف حسيت ان ما فيش حاجة تتكتب مع احترامي دي ست بتتجوز كتير وبتغني ما فيش اي كفاح في حياتها .


وتابعت :

ايه الكلام الفارغ اللي بتقوله دا عيب عليك الكلام دا انت ما تعرفش اي حاجة عن حياة الاسطورة صباح اللي تشرف اي عمل انشالله بس تيجي سيرتها فيه مش بس قصة حياتها مليانة كفاح من لما كان عندها ١٤ سنة .


كما قالت :

يا ريت تتثقف شوية وتعرف مين السيدة صباح وعملت ايه لبلدها ولمصر من خير  وفن لن يتكرر مع اي حد تاني ..

عيب الكلام دا وغير مقبول وانا مش حسكت وعايزة اعتذار منك ومن نقابة الفنانين والممثلين والمطربين والعالم كله على هذا الكلام الجارح والفارغ .


وختمت حديثها بـ :

انا قبل كده قلت كتير ممكن اسامح حد يسيء لي شخصياً بس ما بسامحش ولا بقبل اي كلمة جارحة عن حد يخصني ..

وطبعا اولهم خالتي وافتخر اني بنت اختها وان ربنا اختارني اتولد في هذه العائلة اللي تعبوا من اول ما اتولدوا لغاية مافارقونا ..

تعرف ايه انت عن الكفاح ؟؟؟؟..

تعرف ايه عن فن السيدة صباح ..؟؟؟

تعرف ايه عن الفن الاصيل ؟؟؟؟

والاسطورة صباح واحنا ما يشرفناش اصلاً ان انت وتفكيرك دا تكتب اي حرف عن السيدة العظيمة صباح .

 355 total views

هل كان المقال مفيداً ؟

اترك رد