بعد العرض التاريخي والحدث الاستثنائي لموكب المومياوات الملكية موجة جديدة من الانتقادات خلت مسلسل الملك بورطة كبيرة لدرجة أنو تم المطالبة بإلغاء عرض هالمسلسل وشهدت مواقع التواصل موجة من السخرية والمقارنة بين الحدث والمسلسل بسبب الأخطاء التاريخية اللي وردت فيه ..
صناع العمل قالوا انو العمل درامي بالدرجة الأولى مو تاريخي هالرأي اتفق معو عالم الآثار المصري زاهي حواس اللي أكد انو من حق اي عمل درامي يتقدم برؤية الكاتب والمخرج لكن من الضروري الذكر ببداية العمل انو هالعمل من وحي تاريخ وليس له صلة بالتاريخ..
المنتقدين والمعارضين قالوا انو من غير الممكن مسلسل يحكي عن مرحلة مهمة بتاريخ مصر ومايكون في دقة بالأزياء الحربية والملكية فغير الأزياء وتسريحات الشعر والأخطاء بالديكورات اكتر شي علق عليه المتابعين كان السيف اللي حاملو عمر يوسف ببوستر المسلسل واللي مابينتمي للحضارة الفرعونية..
ولو رجعنا لبداية موجة الانتقادات واللي بدأت من اختيار عمرو يوسف لدور الملك احمس من الاساس وأنو في ممثلين رح ينجحو بالدور اكتر منو مثل محمد رمضان…
وقررت الشركة المتحدة للخدمات الإعلامية ايقاف المسلسل بعد اللجنة العاجلة من مجموعة من المتخصصين بالتاريخ والآثار وعلوم الاجتماع لمراجعة احداث وسيناريو المسلسل..
436 total views