طلبت ريما الرحباني من المعجبين أن يشاركوا جميعاً في ذكرى رحيل عاصي الرحباني والتي تصادف يوم 21 حزيران وأن يخبروا كيف تعرفوا إلى عاصي عن طريق فيديوهات لا يتعدى وقتها الدقيقة.

وكتبت ريما من خلال منشور لها على فيسبوك :

اليوم عبكرا خطرتلي فكرة بعدما حطّيت البوست السابق .

بلّش يونيو/حزيران وبعد في 21 يوم لذكرى عاصي حسّيت إنّو ليه هالمرّة ما منعمل إحتفالية كبيرة؟

وليه مش كل الفيروزيين العاصيين بيساهموا فيها .

وأشارت ريما في منشورها الى أن تكون الكلمة الموجهة عن عاصي وله لا لفيروز أو للرحابنة :

الفكرة إنو كل شخص حابب يساهم بهالإحتفالية يصوّر حالو  بتلفونو الخاص عم يحكي بكلمة لا تتعدّى دقيقة

كيف تعرّف على عاصي..

شو بيعنيلو عاصي..

شو علّمو عاصي..

شو بيحب يقلّو لعاصي….

بدقيقة وحدة فقط! المهم تكون عن عاصي ولعاصي!

 مش لفيروز! 

واكيد اكييييييييييييييييييد مش للرحابنة .

ودعت ريما الى أن يكون الفيديو حقيقي ومن القلب :

وأهم شي يكون حقيقي وصادق باللي بدّو يقولو!

بلا شعارات وكليشيات وتبخير وعالميّة وفلسفة وتفلسف بالعكس مطلوب البساطة والصدق والعفويّة شي بيشبه عاصي!

أضافت :

وبتحتفظوا بالفيديو لنهار الذكرى!

نهارتا بفتح بوست خصوصي وكل شخص بيرفع الفيديو تبعو عليه، وهيك منكون كلنا سوى شاركنا بإحياء هالذكرى .

ولمن لا يحب تصوير فيديو قالت ريما :

اللي ما بيحب يتصوّر بيقدر يقول اللي بدّو يقولو ويصوّر أي شي خاص فيه او بيذكرو بعاصي .

 463 total views